Meeting Mei de Faenza: premiu a sa carriera po is Dorian Gray

(IlMinuto) – Casteddu, 27 de su mes''e totussantus - Chemical Marriage, Erotik Monkey e Dorian Gray. Funt custas is band rock sadras chi ant a partezipai a sa XII edizioni de su Meeting de sa musica indipendenti Mei de Faenza. Is Dorian Gray - chi ant finiu de pagu unu tour in Inghilterra e unu cuncertu a su Forum de Assago - a sa fini de su cuncertu de custumerì, in programma a su Teatru Masini de Faenza, ant a pigai su premiu po sa carriera previdiu de su Meeting. A sa serada, chi at essi serrada de sa band de Davide Catinari a facc''e mesunoti, ant a partezipai puru nominis importantis comenti Samuele Bersani e Niccolò Fabi. Is Chemical Marriage - bincidoris de Sottosuoni 2008 - e is Erotik Monkey s'ant a ammostai sabudu in sa serada Live Italia (Centru fieristicu de Faenza), ocasioni meda manna de sa musica italiana noa dedicada a is artistas indipendentis e pagu connotus.