"Nur" cumenzat in Serrenti su XXVII "Festival Internazionale di Nuova Danza". Ispettaculus e eventus finzas a sa fin''e su mes''e paschixèdda

(IlMinuto) – Casteddu, 6 de su mes''e totussantus - 14 ispettaculus, quattru primas nazionalis, numerosus eventus "collateralis" tra Serrenti, Casteddu e Cuartuciu. Funt custus is "ingredientis" de su XXVII "Festival Internazionale di Nuova Danza", chi s'at a oberri cras a merì in Serrenti (21.00, Teatru Civico) cun "Nur": ispettaculu presentau de su "Balletto di Sardegna" ambientau propriu in sa Serrenti de is primus de su Noixentus, candu in sa cittadina s'est cumenzau a traballai sa pedra de trachite. S'iniziativa, promovia de su Ministeru po is "Beni e le Attività culturali", de sa Regioni Sardigna, de sa provìnzia de su Campidanu de Mesu e de is comunus protagonistas, at a sighiri finzas a su 29 de su mes''e paschixèdda cun sa presentazioni de "Contos" in Cuartuciu (ex Casa Angioni). Sa direzioni artistica de su Festival est de Guido Tuveri.