"A scuola" oberrit in Crabònia sa rassegna de su cínema documentariu

(IlMinuto) – Casteddu, 3 de su mes''e totussantus - 100 proiezionis, 14 documentarius, 11 cittadis: funt custus is nùmerus de sa rassegna de su cínema documentariu - promovia de s'associazioni de Torinu Documé - chi at a coinvolgi sa Sardigna de oi a su 22 de su mes''e paschixedda. "Est - narant is promotoris -  un'eventu estraordinariu chi at a biri impari 11 logus de s'isola in su signu de su prus bellu cínema documentariu de autori". S'iniziativa bidi tresi proiezionis cotidianas, dogniuna precédia de una presentazioni critica brevi. In Crabònia sa rassegna cumenzat custu mangianu a is 9.30 (Saloni Spano, s'intrada est libera) cun sa proiezioni de "A scuola" de Leonardo Di Costanzo. Film chi - a cantu narat s'autori - contat "is maistus chi diri po diri s'agatant in prima línia po sperimentai tatticas e cumportamentus".