Seminàrius: in S'Alighera po imparai totus is segretus de is birras artigianalis

(IlMinuto) - Casteddu, 19 de su mes''e totussantus - Ita tipu de maltu e de lúpulu usai po fai un'ottima birra artigianali? Comenti prevènniri s'imbruttamentu de micrubus in su cursu de su traballamentu? A custas e a ateras dimandas at a rispondi su seminàriu "Innovazione nelle birre artigianali" in programma cras in S'Alighera in su parcu tecnologicu de Porto Conte (11.00-17.00). Is traballus ant essi obertus de sa lezioni de Flavio Boero (Ufficio qualità della Carlsberg Italia) chi at a chistionai de su tema "Le materie prime nella produzione della birra artigianale". A su merì (15.00) su maistu Stefano Buiatti at a chistionai in veci de s'importànzia de sa "sanificazione" in sa produzioni de sa birra.