"Stanze": arribbat a sa IX edizioni sa rassegna dirìgia de Wanda Nazzari

(IlMinuto) – Casteddu, 11 de su mes''e totussantus - At essi dedicada a su tema "Architetture d'aria, architetture di terra" sa IX edizioni de sa rassegna multimediali "Stanze". Sa mostra, curada de su direttori artisticu Wanda Nazzari, at essi inaugurada cras in sa Pinacoteca nazionali de Casteddu (Cittadella dei Musei) e at a sighiri finzas a su 29 de su mes''e totussantus, de is 9.00 a is 19.00. Sa rassegna - si podit liggiri in d'una nota - "presentat installazionis o mostras personalis de artistas afirmaus. In custas installazionis is operas de dogniunu creant unu ciclu concludiu, scioberau de is artisas in basi a temas sempri diversus". In custu sensu s'edizioni 2009 "Architetture d'aria, architetture di terra" bollit essi - narant is organizzadoris - "una riflessioni chi si firmat a pensai a is paesaggius de s'ànima" e "a is istrutturas naturalis chi nascint de sa terra e chi circundant s'ómini". Ant essi espostas is operas e is installazionis de Antonello Dessì, Stefano Grassi, Adelaide Lussu, Wanda Nazzari, Igino Panzino e Josephine Sassu.