Stop provvisoriu a su Puc de Thiniscòle e a su gettidu de ciumentu de 36.584 metrus cubus in su borgu de Santa Luxia

16 Onniasantu 2009
(IlMinuto) – Casteddu, 16 de su mes''e totussantus - "No est arribbada nesciuna dimanda de "'valutazioni preliminari', ex LR 7/2002, chi riguardat s'istrumentu urbanisticu de Thiniscòle in aggualamentu a su 'Piano Paesaggistico Regionale'". Cun custus fueddus su 10 de su mes''e totussantus passau su direttori generali de sa "Pianificazione urbanistica territoriale e Vigilanza edilizia" de s'Assessorau de is "Enti locali" de sa Regioni Sardigna, Marco Melis, at arrespostu a sa dimanda de informazioni po su "Piano urbanistico" comunali de Thiniscòle presentada de su "Gruppo di intervento giuridico" de Stefano Deliperi. In sa dimanda mancàt una valutazioni preliminari - est specificau in su blog de su Gig -, bollit nai, "a su stadu attuali", su "stop" a su Puc de Thiniscòle e a is progetus aprovaus de sa maggioranzia de centrusinistra (Pd-Partito socialista-Nuovo Psi/Dc) su 27 de su mes''e argiolas passau. Su "Piano urbanistico" comunali previdit su sderrexinamentu de prus de sesi ettarus de boscu de pinus po podi fai tres albergus po unu totali de 1500 lettus: unu gettidu de ciumentu de 36.584 metrus cubus in su borghixeddu de Santa Luxia. Contra a s'operazioni urbanistica est attivu puru su comitau territoriali "A difesa di Santa Lucia", chi at giai arregortu prus 3milla firmas.
Po ndi sciri:
www.gruppointerventogiuridico.blog.tiscali.it

www.salviamosantalucia.org
© RIPRODUZIONE RISERVATA