Triunfu olandesu po su rap sadru. Vittoria in su "Liet International" po Dr Drer e Crc Posse

(IlMinuto) - Casteddu, 2 de su mes''e totussantus - "Apu biu" conquistat puru s'Europa. Sa canzoni presentada de Dr Drer e de sa Crc Posse s'est classificada in su primu postu in su votu on line e in su segundu postu po su giudiziu de sa critica in su prus importanti festival europeu de is canzonis iscrittas usendi is linguas minoridarias: su "Liet International", chi s'est tentu sabudu passau in Leeuwarden, in Olanda. Sa vittoria po sa canzoni de Drer e socius esti stetia aicci manna ca sa band esti stetia inviatada a partezipai puru a su Festival de sa Liberazioni olandesa de su 2010.