A is arraixinis de Mamuthones e Issohadores: Madau ammostat in Mamujada is resultaus de is ùltimus istudius

(IlMinuto) - Casteddu, 17 de su mes''e paschixèdda - Andai a iscoberriri is arraixinis de su ritu de is Mamuthones e de is Issohadores: est custu su programma de sa serada aprontada po sabudu 19 de su mes''e paschixèdda de s'associazioni Atzeni-Beccoi in Mamujada (18.00, Sala de su consillu de su Comunu). In su cursu de s'atóbiu su professori de 'Beni Culturali' de s''Accademia delle Belle arti' de Tàtari, Marcello Madau, at a ammostai a is partezipantis is resultaus de unu progettu de istudiu de diversus annus, guidau de cussu 'e tuttu, chi tenit po argumentu is arraixinis istoricas de is màscaras de Mamujada. "Un'istudiu - si podit liggiri in d'una nota - chi si fundat asuba de una ceremonia presenti giai in edadi pre-romana e chi escludit is duas possibilidadis cunsideradas de is spertus in is ùltimus annus: cussa de su collegamentu cun is morus e cussa de su collegamentu cun Dioniso".