"Ars combinatoria": in su Durke sa mostra de Marina Faggioli

(IlMinuto) - Casteddu, 11 de mes''e paschixèdda - "Un nùmeru infinitu de traballus de papèri, fattus incollendi e cosendi impari is papèris pintaus cun coloris scioltus in s'acqua, arrogheddus de istoffa e fibras organicas". Cun custus fueddus Marina Faggioli definit "Ars combinatoria", sa mostra de s'artista visiva e grafica chi at a comenzai cras in Casteddu (inaugurazioni a is 17.30) e at a sighiri finzas a su 23 de su mes''e paschixèdda in su Durke, in via Napoli 74. "Seu incantada - narat s'artista - a facc''e s'idea de prodùsiri calincuna cosa in su campu de s'arti, de prodùsiri un'opera chi, in sa nàscida de cuss'e totu, assimillit a is prozzesus naturalis chi donant vida a is lanarizus, a is muffas, a is erbas de pedra, a is corallus".