"Assemblea del popolo sardo": Zolo (Rete 28 aprile Cgil), "Chi dd'at aprontada at scaresciu is traballantis"

2 Mese de idas 2009
(IlMinuto) – Casteddu, 2 de su mes''e paschixèdda - "Cantu est accadèssiu oi (30 de su mes''e totussantus, ndr) in su cursu de cussa chi esti stetia nomenada 'Assemblea del popolo sardo' promòvia de Cgil, Cisl e Uil est cosa meda gravi (...) poita chi dd'at aprontada at scaresciu is traballantis, chi no ant poziu portai su contributu insoru a s'atóbiu". Est cantu dinunziat cun d'unu comunicau stampa sa sindacalista de sa "Rete 28 aprile" de sa Cgil Elena Zolo.

"Est gravi - sighit Zolo - poita a sa fin''e s'atóbiu esti stetiu donau unu documentu (preconfezionau) puru a nomini de sa Cgil, cun testus mai afrontaus e mai aprovaus in nesciunu organismu de sa Cgil e nemancu fattu votai in cussa chi esti stetia lamada 'Assemblea del popolo sardo'".

"Scéti a fin''e assembrèa - spiegat sa sindacalista tataresa - a pustis de is numerosas protestas e manifestazionis de arrennégu de genti meda chi furiat presenti, esti stetiu consentiu a unu traballanti de s'Alcoa de chistionai po una pariga de minutus, a nomini de totus is traballantis in lota. Iat essi stetiu in veci opportunu in d'unu momentu pagu facili comenti cussu chi seus bivendi, fai chistionai is traballantis e ascurtai sa testimónia insoru, is chistionis, is apretus mannus e malus, is propostas e puru is eventualis críticas".
© RIPRODUZIONE RISERVATA
Tags