Cgil, Cisl e Uil: ìntru su mes''e gennargiu mobilitazioni de su pópulu sadru po unu Statutu nou po fai torrai a nàsciri s'Isola

(IlMinuto) - Casteddu, 1 de su mes''e paschixèdda - Aprontai intru su mes''e gennargiu una mobilitazioni meda manna de totu su pópulu sadru po iscriri a nou su Statutu regionali e po otèniri unu pranu de isviluppu de rinascida po s'Isola. Est cantu ant propostu is segretarius regionalis de Cgil, Cisl e Uil, Enzo Costa, Mario Medde e Francesca Ticca a sa fin''e s'assembrea de is rapresentanzias de su populu sadru chi s'est fatta ariseru a sa Fiera de Casteddu. A s'atóbiu ant partizipau puru medas delegazionis de is aziendas chi funt in crisi, de s'Alcoa de Portovesmi a su petrolchímicu de Pòrtu Turre. De is traballantis funt partius surbius po su presidenti de sa Regioni, Ugo Capellacci, chi no fiat presenti po un'influenzia.