"Conservatoria delle Coste". Bilànciu 2009 e progetus po su futuru: pisca, turris e defensa de s'ambienti

21 Mese de idas 2009
(IlMinuto) – Casteddu, 21 de su mes''e paschixèdda - Est tempus de bilàncius po sa "Conservatoria delle Coste" de sa Sardigna. A trassai unu cuadru de su prim'annu de traballu grai de s'enti, e a disignai is progetus po su futuru est su direttori esecutivu, Alessio Satta, in carriga de su mes''e de fiàrgiu de su 2008. "In is primus mesis de s'annu - scririt Satta in d'una nota - s'Agenzia at tentu in afidamentu totu s'isola de S'Asinàra, 16 turris de sa costa e su cumpéndiu de Is Mortorius (...). (In su 2010, ndr) casi 40 turris de sa costa de sa Sardigna ant essi dotadas de pannellus informativus chi ant a permítiri de creai caminus chi agiudint a iscoberri cust'importanti patrimóniu". In su 2009 sa "Conservatoria" esti stetia impignada in medas ràllias: prevenimentu de is iscorroncadas de is costas, turismu sustenibili e pisca (progetu internazionali Camp). "In su 2010 - spiegat Satta - at a cumenzai su progettu po sa gestioni integrada de is risorsas de sa pisca, po su ripopolamentu de su longupanti, de su prupu e de s'arrizoni in tres areas pilotas in s'ozidenti e in su nord de sa Sardigna".
© RIPRODUZIONE RISERVATA