Ex traballantis Unilever de Casteddu: in su 2009 a Caivano s'est raddoppiada sa produzioni e ant pigau 550 traballantis a stagioni

(IlMinuto) - Casteddu, 29 de su mes''e paschixèdda - "Po nosu de Casteddu esti stetia una cosa senz''e nesciuna responsabbilidadi, sa peus in su panorama de cussas fattas de Unilever in Italia e forsis in Europa". Est cantu dinunziant is ex traballantis de sa multinazionali a pustis deessi passaus duus annus de sa serrada de s'istabilimentu de viale Marconi, in Casteddu. "Una fàbbrica serrada e is traballantis licensiaus - si podit liggiri in su comunicau - funti stetius giustificaus cun su mancamentu de su mercau de su gelau". Licensiamentus chi partint de su mes''e paschixèdda de su 2007, "candu ancora no ddoi fiat sa crisi economica manna". In su 2009, in prena crisi - narant is ex traballantis de sa multinazionali - s'istabilimentu de Caivano in Campania at raddoppiau sa produzioni e funti stetius pigaus 550 traballantis a stagioni.