Giòvanus scrittoris e poetas: cumenzat su "Premio letterario città di Cagliari"

(IlMinuto) - Casteddu, 28 de su mes''e paschixèdda - Romanzus, contus, poesias: funt custas is sezionis de su "Premio letterario città di Cagliari", s'iniziativa po scrittoris giòvanus, italianus e strangius, chi tenint de 15 a 30 annus. Is autoris ant depi mandai is traballus insoru, mai pubbricaus - e chi mai ant arriciu premius o arreconoscimentus in aterus cuncursus letterarius - a s'amministrazioni culturali intru su 5 de su mes''e marzu, comenti previdiu de su bandu. "Una giuria de personas chi benint de su mundu de sa cultura e de s'editoria - si podit liggiri in d'una nota - at a giudicai is operas de is giòvanus scrittoris e a chini bincit at essi donau unu premiu de dinai. S'amministrazioni at a tenni sa possibilidadi de pubbricai is operas chi sa giuria at a giudicai prus bellas".