Global Futur, festival de is artis contemporaneas in su Montiferru Sinis

(IlMinuto) – Casteddu, 4 de su mes''e paschixèdda - Musica, poesia, teatru, media nous: de su 7 a su 20 de su mes''e paschixèdda sesi biddas de su Montiferru Sinis - Santu Lussurzu, Bonàrcadu, Sèneche, Milis, Sant' Eru, Nurachi - aghillint unu festival de is artis contemporaneas totali. Sa scummissa de is organizzadoris de s'associazioni Quercus est de "fai diventai custu logu maravigliosu de sa Sardigna unu palcu ideali po is artistas". Su programma s'oberrit lùnis 7 de su mes''e paschixèdda (Nurachi, "Centro Polivalente"), cun d'una serada dedicada a is frontieras musicalis: is catalanus Le Grant de Barcellona, is White Sunset de Tàtari, is Raw Rave Group de Aristanis, is Disorder Crew de Santu Lussurzu. Po serrai dd'at essi unu Djset.