"Insieme per Casamatta": cenàbara in Casteddu mostra-mercau

(IlMinuto) - Casteddu, 9 de su mes''e paschixèdda - Arregolliri dinai po susteniri Casamatta - logu aundi bivint ottu personas chi funt malàdias a conca - in sa circa de una sedi noa. Est custu s'iscopu de sa mostra mercau "Insieme per Casamatta", chi at essi inaugurada cenàbara 11 de su mes''e paschixèdda a is 18.30 in sa sedi de s'Asarp in via Romagna 16, in Casteddu. Ant essi ammostadas is operas de s'artista sadru Simone Lecca, chi at a donai una parti de su guadàngiu po fai sighiri s'esperiènzia de Casamatta, nascia in 1995 de s'associazioni Onlus Asarp.