Legambiente iscririt a Cappellacci: "Unu parcu mannu in Tuvixeddu"

(IlMinuto) – Casteddu, 8 de su mes''e paschixèdda - Un'atóbiu de fai alluegus cun su presidenti de sa Giunta regionali po pediri su cumprimentu de unu parcu in s'area de Tuvixeddu-Tuvumannu. Est cantu pedit Legambiente Sardigna cun d'una lítera mandada a Ugo Cappellacci. S'organizzazioni ambientalista - si podit liggiri in d'una nota - pedit "un'azaminu chi serbit po pigai cunsiénzia de s'estraordinaria importántzia de su territorriu de Tuvixeddu-Tuvumannu". "Su cumprimentu de unu parcu Tuvixeddu-Tuvumannu - iscririt Legambiente - chi cumprendit 'unu contestu prus mannu' (...) iat a podi essi sa prella de custa Giunta e prusatotu iat a podi essi un'ocasioni de no pèrdiri po sa cittadi e po totu sa Regioni, po s'identidadi, sa cultura e s'arti".