Legambiente Sardigna: tocat torrai a usai s'energia rinnovabili

(IlMinuto) – Casteddu, 28 de su mes''e paschixèdda - Po cumbàtiri su cambiaméntu e s'impestadura de su clima tocat torrai a usai s'energia rinnovabili. Est cantu esti stetiu nau in su cunvegnu aprontau in Casteddu (Palazzu Regio) de Legambiente Sardigna in is diris passadas. "Cun sa cuferénzia de Copenhagen - at nau su responsabili energia e clima de Legambiente Edoardo Zanchini - s'est perdia un'ocasioni istirica. De positivu ddoi est ca totus is istadus funt a faori de unu cambiaméntu chi coinvolgat is politicas produttivas, is consumus e su modu de biviri cun s'obbiettivu de abasciai s'emissioni de gas serra. Sa fortuna prus manna de sa cuferénzia de Copenhagen est cussa de ai dimostrau cantu siat diffùndiu s'apensamentu in su mundu po is cusseguénzias de su callentamentu de su pianeta.