Marras afestat 30 annus de carriera in Crabònia cun sa "Piccola Orchestra d'archi"

23 Mese de idas 2009
(IlMinuto) – Casteddu, 23 de su mes''e paschixèdda - Piero Marras afestat 30 annus de carriera cun d'una serada de no pèrdiri in Crabònia. Domìnigu 27 de su mes''e paschixèdda su cantautori chi tenit arrèxinis tataresas, nasciu in Nùgoro e a pustis adotau de Casteddu, at a sonai in su Teatru centrali de sa cittadi surcitana (21.00) cun d'unu accumpangiamentu d'eccezioni. Acanta a Piero Marras a su pianu forti, asuba de su palcu dd'at essi sa "Piccola Orchestra d'archi" dirigia de su maistu Daniele Manca, cun s'agiudu de su rítimu de sa ghitarra de Uccio Soro e de is zocus de Paolo Zanini. Una parti de su dinai guadangiau at essi donau a "Punta Torretta La comunità", progetu fattu po donai traballu a is personas chi no tenint fortuna.
© RIPRODUZIONE RISERVATA
Tags