Regioni: 40 borsas de istudiu po s'alta specializzazioni giurìdica

8 Mese de idas 2009
(IlMinuto) – Casteddu, 8 de su mes''e paschixèdda - Favorèssiri s'alta specializzazioni de is giòvanus laureaus in Giurisprudenza. Cun custu iscopu sa presidenza de sa regioni at pubblicau unu bandu po donai 40 borsas de istudiu de 10milla eurus po fai fai a is laureaus s'ammaistramentu po dexi mesis in is Ufficius giudiziarius giudicantis de I gradu de su distrettu de sa "Corte D'Appello" de sa Sardigna. Podint presentai dimanda is laureaus in lei chi faint su segundu annu de is Iscolas de specializzazioni po is professionis de avvocanzia in is universidadis de sa Sardigna, is iscrittus a su registru de is abbogaus chi faint su mestieri in sa regioni o cussus chi funti stetius ammitius a unu dottorau de ricerca in materias giurìdicas in is facoltadis sadras. Is interessaus podint presentai dimanda in sa Presidenza de Regioni intru su 21 de su mes''e paschixèdda.

Po ndi scriri de prus: www.regione.sardegna.it
© RIPRODUZIONE RISERVATA