"Regno di Sardegna 1324": tra sbanderadoris e música medievali Casteddu arregordat sa batalla de Lutocisterna

(IlMinuto) – Casteddu, 18 de su mes''e paschixèdda - Arregordai su cumbatimentu tra s'esérzitu catalanu-aragonesu e is trupas de Pisa. Est custu su proponimentu de is organizzadoris de sa manifestazioni "Regno di Sardegna 1324", in programma cras tra is vias e is palazzus de s'istoricu cuarteri de "Castello", in Casteddu. S'eventu arregordat s'arribbu de is aragonesus in su 1323, cun sa cunchista de sa cittadi de Castel di Castro - aundi oi s'agatat Santa Gilla - e sa batalla de Lutocisterna: cumbatimentu chi iat donau vida a su Regnu de Sardigna e de Corsica, apustis Regnu de Italia. Sa manifestazioni, oberta a sa partecipazioni de is iscolas, previdit unu scantu apuntamentus meda interessantis: Sa Cuferénzia "Regno di Sardegna 1324" (9.15 e 11.15, palazzu Viceregio), s'ispettaculu arroliadori de is sbanderadoris (10.30 e 12.00), su concertu de música medievali e rinascimentali de is Mandaliet (10.45 e 19.00, palazzu Viceregio), sa presentazioni de su giogu de fingidura "Sa batalla de Lutocisterna" (Caffé Libarium, 15.00), e sa disfízia tra is sordaus aragonesus e cussus pisanus e s'atóbiu "L'Armata dell'Infante Alfonso di Aragona e la Battaglia di Lucisterna del 1324" (17.00, palazzu Viceregio).