Ryan Air lassat sa Sardigna: "Sa Regioni ita fait? E su Guvernu?" Prus de 3milla ant adiriu in su gruppu Facebook
(IlMinuto) – Casteddu, 29 de su mes''e paschixèdda - Sa decisioni de Ryan Air de firmai is bolus de e po sa Sardigna a cumenzai de su 23 de su mes''e gennargiu - po mori de unu scontróriu cun s'Enac po is régulas de seguresa - arriscat de fai "damnus medas mannus a sa Sardigna". Est cantu dinunzit su gruppu Facebook "Ryan Air taglia i voli da/per la Sardegna. La Regione che fa? E il Governo?" chi in pagu diris at arregortu giai 3227 iscrittus e 180 cummentus. A cantu narant is amministradoris de su gruppu sa dispedia de Ryan Air de s'Isola at a reduiri de meda "sa mobilidadi de is sadrus". At a andai puru "perdia una fitta manna de turismu chi donat possibbilidadis mannas a su territoriu, sendu is bolus (Ryan Air, ndr) esclusus de is pachetus e duncas non gestius de is multinazionalis de su turismu". Su gruppu de su popolari social metwork pedit de pressi s'interventu de sa Giunta regionali. "Sa Regioni - si podit liggiri in sa nota chi ispiegat s'iniziativa - no at ancora pigau su fueddu. Ita fait? Aspettat indicus de Roma? O de Milanu?".
Po ndi sciri de prus:
© RIPRODUZIONE RISERVATA