Sa notti bianca oberrit "Vivanatale 2009" in Tàtari

(IlMinuto) – Casteddu, 4 de su mes''e paschixèdda - Cuminzat cras cun sa classica notti bianca sa manifestazioni "Vivanatale 2009" in Tàtari. S'iniziativa prus importanti de sa Paschixedda tataresa at a sighiri finzas a sa fin''e de s'annu cun totu una filera de eventus de no pèrdiri. Po is lingipratus s'aputamentu est po su 19 e po su 20 cun is tastus de fainé e de is pratus tipicus de sa cuxina tataresa de s'"Weekend del Gusto". Su 21, 22 23 de su mes''e paschixèdda at essi in veci sa borta de sa Paschixedda de is Àngelus, cun tres concertus - tra is corus tradizionalis e gospel - in is Crèsias de San Nicola, de Santa Maria in Betlem e de San Giacomo. Sa maravíglia de "Vivanatale 2009" at essi perou su concertu de Paolo Fresu "Porgy and Bess", in programma su 27 de su mes''e paschixèdda in su Palazzu de sa Cittadi.