Serbiziu voluntàriu europeu: diventai cittadinu de su mundu cun su progettu promòviu de Tdm 2000

(IlMinuto) – Casteddu, 9 de su mes''e paschixèdda - Chistionai mellus is ateras linguas e isviluppai is capazidadis personalis in d'unu contestu fattu de culturas medas, cun d'unu traballu voluntàriu in d'unu ateru stadu chi at a durai finzas a 12 mesis. Funt custas is possibbilidadis chi ant a podi tenni medas giòvanus sadrus cun su Serbiziu voluntàriu europeu: unu progettu po is picioccus chi tenint un'edadi de 18 a 30 annus promòviu puru in Sardigna de s'Assoziazione Tdm 2000. Is ispesas po biviri foras de domu funt cobértas de su programma "Youth in Action" de sa "Commissione Europea". "Su voluntàriu - si podit liggiri in d'una nota - at a tenni su dinai po su viàgiu, po si circai domu e unu pocket money a su mesi, in prus at tenni puru un'assicurazioni e s'agiudu nezessariu a imparai sa lingua e po is atividadis chi depit fai".

Po ndi sciri de prus: www.tdm2000.org

Contatus: evs@tdm200.org; 070 666 941