Spricullítu de su "Sole 24 Ore": sa provìnzia de Casteddu est setantesima po sa calidadi de sa vida ma est a su primu postu po s'"intendimentu de su melloramentu"

(IlMinuto) – Casteddu, 28 de su mes''e paschixèdda - Tra is provìnzias italianas cussa de Casteddu est setantesima in classífica po sa calidadi de sa vida, sessantesima in sa divisioni afàrius e traballu, ma est a su primu postu in s'indizi de "intendimentu de su melloramentu de sa calidadi de sa vida si cunfrontau cun cussu de duus-tres annus fait": funt scéti calincunu de is arrisurtaus de su rezenti spricullítu de su "Sole 24 Ore" po sa calidadi de sa vida in Italia. "Si si tenit contu ca su 'Sole 24 Ore' - ispiegat su segretariu generali de sa Cisl de Casteddu Fabrizio Carta - in su própiu cummentu evidenziat ca est prus fàcili po is provìnzias chi tenint prus pagu cosas essi a is primus postus in sa classifica de s''intendimentu de su melloramentu de sa calidadi de sa vida', in cantu tenint màrginis de crescimentu prus mannus, custa primu posizioni si parrit tropu pagu po cantai vitória e po nai ca andat totu beni in Casteddu e in s'Hinterland".