Universidadi de Casteddu: Uxs, "Su dinai liau corpit a is istudiantis": Cras sit in po nai no a su bilànciu 2010

(IlMinuto) – Casteddu, 21 de su mes''e paschixèdda - 482milla eurus po sa melloria de is serbízius a is istudiantis, un'irminorigamentu de 54milla eurus de su dinai destinau a is lettoris de línguas furesteras, su ai annullau is summas po su "Centro universitario sportivo": est cussu chi ndi liat a is istudiantis su bilànciu 2010 de s'Universidadi de Casteddu, segundu cantu dinunziat s'associazioni Uxs, "Università per gli studenti". "Bolleus spiegai - si podit liggiri in d'una nota - comenti a pustis de su dinai liau de su ministeru, no scéti no benint razionalizzadas is ispesas po medas sezionis de su bilànciu (...) ma is ùnicas mancànzias claras pertocant a is istudiantis e custu po nosu est de una gravidadi meda manna". Po protestai contra sa mancànzia de dinai previdia, s'associazioni at aprontau, po cras a is 10.00, unu sit in de protesta a facc''e su Rettorau, aundi at atobiai su consillu de amministrazioni de s'ateneu casteddaiu po aprovai su bilànciu. "Seus meda controriaus - spiegat sa nota - po mori de sa totali serradura chi su Rettori Melis at ammostau in is cunfrontus nostrus e si no ddu at essi un'abertura costruttiva intru su 22 de su mes''e paschixèdda (...) su nostru votu po custu bilànciu no at a podi essi ca contràriu".