Universidadi: manifestazioni de s'Uxs contra Melis "mani di forbice". Su cda aprovat su bilanciu scéti cun d'unu votu contràriu

(IlMinuto) - Casteddu, 23 de su mes''e paschixèdda - "Giovannino mani di forbice, tagli solo agli studenti". Custu su slogan de su manifestu chi oberriat su corteu de una trintina de istudiantis de s'associazioni Uxs chi ariseru ant manifestau asuta de sa sedi de su Rettorau de s'Universidadi de Casteddu po protestai contra a su diminuimentu de su dinai in s'amministrazioni de su rettori nou, s'economista Giovanni Melis, disignau in su cartelloni comenti su famosu Edward "mani di forbice". A sa fini de su mangianu - si podit liggiri in sa nota de s'Uxs - su cda at votau po su bilanciu cun d'unu votu scéti contrariu: su nostru.
Custu si fait pensai - narat su documentu - poita totus e cincu is rappresentantis de is istudiantis si depiant opòniri a unu bilanciu comenti custu".