Alcoa: ateru atóbiu in Roma. Aspetu po sa decisioni de s'azienda: 2milla postus de traballu a arriscu

(IlMinuto) – Casteddu, 26 de su mes''e gennargiu - S'atóbiu  in programma custumerì in Roma at essi forsis diaderu definitivu po sa vertenza Alcoa e po is 2milla postus de traballu a arriscu in su Surcis Igresienti. Custu merì a is 15.00 s'ant a agatai in sa sedi de su Ministeru de su "Sviluppo economico" is rappresentantis de su Guvernu, de is sindacaus, de sa Regioni e de s'azienda. Is rappresentantis de sa multinazionali de s'allumíniu ant a nai si su decretu chi abasciat su préziu de s'energia po tres annus at cumbintu Alcoa a sighiri a prodúsiri in Italia. A facc''e sa sedi de su Ministeru ddoi est giai unu sit in aprontau de sa Cgil, de sa Cisl e de sa Uil cun sa partecipazioni de is sindigus de su territoriu. Su primu cittadinu de Crabònia, Tore Cherchi, at in veci convocau un'atóbiu estraordinariu de su Consillu comunali a facc''e sa Camera.