Alcoa: presidiu de is operajus in Roma a facc''e s'ambasciada de is Stadus Unius

(IlMinuto) - Casteddu, 15 de su  mes''e gennargiu - Una, centu, milla manifestazionis. No s'arrendint a sa serrada de s'istabilimentu is operàjus de s'Alcoa de Portovesmi, chi oi a mangianu ant manifestau in Roma, a facc''e s'ambasciada Usa in Italia, cun s'iscopu de pediri a su Guvernu de is Stadus Unius de intervènniri direttamenti cun s'azienda. Sa multinazionali de s'allumíniu tenit difatis sa sedi in Pittsburgh, in is Stadus Unius. Impari a circa 100 traballantis, chi ant postu unu cartellu cun iscrittu: "Alcoa: rispetto e lavoro", ddoi furiant puru is sindacalistas, is amministradoris e su presidenti de sa Regioni.