"Ambasciata di Sardegna" aprontat una serada po arregordai Andrea Parodi in Milanu

(IlMinuto) - Casteddu, 8 de su mes''e gennargiu - Arregordai Andrea Parodi e sa boxi de su cantanti e arregolli dinai po agiudai s'"Istituto Europeo di Oncologia" de Umberto Veronesi. Funt custus is iscopus chi ant ispintu s'"Ambasciata di Sardegna" a aprontai po domìnigu 10 de su mes''e gennargiu a is 17.00 una serada de música in su Teatru Dal Verme de Milanu. Asuba 'e su palcu de unu tra is prus famosus simbolus de sa cultura milanesa, po sa cuarta edizioni de "Voci e suoni della Sardegna", dd'ant essi is Tazenda - cun Beppe Dettori a sa boxi - Cristian Coccu de "Striscia la Notizia" e medas aterus artistas de s'Isola chi ant arregortu s'imbidu de parti de sa "Ambasciata di Sardegna", definiu de is organizzadoris comenti unu "logu ideali aundi is sadrus chi bivint in Lombardia podint intriciai raportus" e essi agiudaus in su raportu cun is entis pubblicus.