Casteddu "cittadi moderna": cuferénzias po chistionai de s'architettura de is annus Binti e Trinta

(IlMinuto) - Casteddu, 28 de su mes''e gennargiu - Sighint is cuferénzias dedicadas a su tema "Cagliari tra Ottocento e Novecento: nasce la città moderna". Custumerì a is 17.00, in su Palazzu Civicu de via Roma, est in programma s'atóbiu cun Giorgio Pellegrini, professori de s'Universidadi de Casteddu, chi at a chistionai de s'"Avvento della modernità negli anni Venti e Trenta. Architetture cagliaritane". "Is cuferénzias - si podit liggiri in d'una nota - bollint torrai a fai su camminu de is tappas chi ant portau a sa nàscida de sa cittadi moderna cun s'isvilupu de is temas chi si podint biri in s'esposizioni de is fotografias e  de is documentus de s''Archivio storico comunale' e in is immàginis de su 'Fondo fotografico Marco Lepori'".