In Casteddu s'aciarxu "biu" de Forges Davanzati. Cras s'inaugurazioni de sa mostra cun su theremin de Sato

(IlMinuto) – Casteddu, 22 de su mes''e gennargiu - S'arti de Andrea Forges Davanzati arribbat in Casteddu. De su 23 de su mes''e gennargiu Villa Satta at a aghilliri po unu mesi "Paramecio Ciliato Riccio Madrepora", esposizioni chi depit su títulu a cuatru importantis operas de s'artista de Milanu, sculturas in aciarxu inossidabili chi oscillant scèti tochendiddas e rappresentant formas de vida marina chi s'agatant realmenti. A s'inaugurazioni de sa mostra at a partecipai puru su famosu musizista Gak Sato. Su giapponesu s'at a ammostai in d'una performance a su theremin (s'istrumentu elettronicu chi si sonat senz''e tocu imbentau de s'omónimu scienziàu sovieticu in su 1919).