Centrus serbizius po su traballu: (Rdb-Cub), timória de su disimpréu po duxentus traballantis precarius

(IlMinuto) – Casteddu, 5 de su mes''e gennargiu - 200 precarius de is Csl de sa Sardigna arriscant tra pagu tempus de perdiri su traballu. Est cantu dinunziat cun d'una nota s'Rdb Cub Sardigna. In custus annus is 200 precarius de is Centrus Serbizius po su Traballu - previdius de sa lei regionali 20 de su 2005 - ant ofertu a is cittadinus una filera de serbizius importantis gratis, comenti "s'atóbiu tra sa dimanda e s'oferta de traballu e su consultu e s'agiudu po fai impresas noas". A sa fasi de cuminzu de is serbizius, serrada in su mes''e làmpadas 2009, iat a depi essi sighia una fasi de confirma de s'attividadi ma - natat sa Rdb Cun - "nonostanti duas lei finanziarias regionalis (sa 3 de su 2008 e sa 1 de su 2009) asuba de su futuru de su personali precariu de is Csl ddoi est scéti dúbbiu". "No ddoi est claresa de informazioni - spiegat su sindacau de basi - mentris su Consillu regionali fueddat de confirma e de stabilizzazioni de totus is traballantis, s'Assessorau regionali de su "Lavoro", in veci, fueddat de Por 2007/2013 aundi fai  rientrai scéti una parti minuda de is traballantis. A chini donai arrexioni?"