Costa (Cgil): "A pustis de su decretu de su Guvernu no ddoi funt prus scusas po Alcoa"

(IlMinuto) – Casteddu, 25 de su mes''e gennargiu - "No ddoi funt prus scusas po s'Alcoa: a pustis de su decretu de su ministeru aprovau cenàbara s'aspetaus ca sa multinazionali retirit illuegus su provedimentu de cassa 'e integrazioni e presentit unu pianu industriali po afortiai is produzionis de allumíniu in Fusina e in su Surcis Igresienti". Dd'at nau su segretariu generali de sa Cgil, Enzo Costa, commentendi su provedimentu nou pigau de su Guvernu po su préziu de s'energia. "Custu primu risurtau  - at precisau Costa - consentit de abbàtiri su préziu de s'energia e est scéti su comíntzu, un'incaminada otenta po mori de is mobilitazionis de is traballantis".