Danza sportiva: X edizioni po su "Sardegna Open"

(IlMinuto) – Casteddu, 28 de su mes''e gennargiu - Torrat puru in su 2010 s'apuntamentu cun "Sardegna Open" de danza sportiva. Domìnigu a mangianu in su Palazzettu de su Sport de via Rockfeller in Casteddu, a partiri de is 9.30, at a cumenzai un'ispettaculu ispantosu chi po totu sa diri at a biri ballarinus de dognia edadi. Is atletas s'ant ammostai in is specialidadis coreograficas, in su syncro e in su dance. A sa manifestazioni, arribbada a sa décima edizioni e aprontada cun s'apógiu de sa "Federazione Italiana Danza Sportiva Sardegna", ant a participai prus de 30 soziedadis sportivas de totu s'Isola.