Mùsica e impignu sociali in is cuncertus de Mixis: su 17 apuntamentu cun su Baroccu

(IlMinuto) - Casteddu, 11 de su mes''e gennargiu - At a torrai a cumenzai su 17 de su mes''e gennargiu cun sa mùsica barocca de Handel e Telemann (11.00, Biblioteca universitaria de Casteddu) sa stagioni de cuncertus de s'associazioni Mixis Musica Etica. "Is personas de cust'associazioni - si podit liggiri in su situ de Mixis - tenint s'iscopu de fai diventai su traballu insoru un'istrumentu po arribbai a cosas bonas e útilis", aundi sa mùsica e s'arti possant diventai "unu modu po podi ammellorai is condizionis de vida malas in su campu soziali, politicu e economicu". Is atóbius de Mixis cun sa mùsica e s'impignu soziali ant a sighiri, de mesi in mesi, finzas a su 23 de su mes''e maju, candu s'"Orchestra da camera" de s'associazioni s'at a esibiri cun is "Concerti doppi" de Vivaldi.