In Ossi artistas in concertu po Bellomonte. Arregortas 2milla firmas po sa territorialidadi de sa pena

(IlMinuto) – Casteddu, 14 de su mes''e gennargiu - Sighit sa batalla de A Manca pro s'Indipendentzia po Bruno Bellomonte. Su movimentu indipendentista at difatis aprontau po cenàbara a merì (21.00, discoteca Airport) su concertu "Artistas sardos pro sa libertade" po torrai a fai intendi sa propriu boxi, po mobilitai sa genti in favori de su dirigenti de aMpI presoneri de su mes''e làmpadas de su 2009 (primu in Roma e a pustis in Sianu, in Calabria). A sa serada ant a partecipai medas band: Almamediterranea, Entu de Sonos, Ariabascia, Stranos Elementos, Hypsia, Skanking Kaos e Raiknos. In su mentris su comitau po sa "Territorialità della pena" at giai arregortu casi 2milla firmas po pediri s'apricu de su "protocollo d'intesa" tra Stadu e Regioni po su casu de Bruno Bellomonte e de medas aterus sadrus presoneris in sa penisola. "Seus arrennescius a fai presentai e aprovai unu odg po sa territorialidadi in diversus comunus de sa Sardigna - si podit liggiri in d'una nota -, tra custus ddoi funt Tàtari, S'Alighera, Sòssu, Sènnaru, Vithi e is provìnzias de Tàtari, Nùgoro e cussa de su Campidanu de Mesu".