Presonis: s'ergastolanu Annino Mele "in Casteddu" cun s'ultimu liburu scrittu. A sa presentazioni puru Renato Curcio

(IlMinuto) – Casteddu, 20 de su mes''e gennargiu - "Permissu estraordinariu" po Annino Mele chi sabudu 23 de su mes''e gennargiu at a partecipai in Casteddu a sa presentazioni de su liburu nou "Strabismi. Dove si racconta del carcere e del senso delle cose". Dd'at a fai cun duus contributus fattus arribbai a s'Associazioni "Socialismo Diritti Riforme" chi, cun s'agiudu de sa coperativa "Sensibili alle Foglie", at aprontau s'atóbiu de Casteddu, in programma a is 17 in sa saba cuferénzias de s'"Associazione della Stampa Sarda" in via Barone Rossi 29. Cuncentrau asuba de is "fízius e de is birtudis de is presonis italianas, “Strabismi” est - si podit liggiri in d'una nota - "puru una analisi crua de su passau e de su presenti de sa soziedadi sadra descrita senz''e mai arrui in definizionis lebias". Mele contat sa propriu esperiénzia e si portat a riflèttiri. A donai animu a sa presetazioni ant essi is interventus de Anna Maria Busia, abbogau penalista, e de Renato Curcio, direttori de sa casa editrici milanesa "Sensibili alle Foglie". At a cordinai s'atóbiu Maria Grazia Caligaris, presidenti de Sdr. In presoni de 12 annus, 22 scontaus de fil''e pari a partiri de su 1987, Annino Mele est autori de seti pubblicazionis e esti stetiu puru a su "Salone del Libro" de Torinu, in su mes''e de maju passau.