Sardinia Radio Telescope: in sa pàgina de Facebook 2.351 po no a su dinai liau. Hack: "Crupa de s'ignorànzia"

(IlMinuto) – Casteddu, 26 de su mes''e gennargiu - "Sa mancànzia de interessaméntu po sa sciénzia e sa ricerca est sinnu de una crupa de ignorànzia meda manna de parti de chini guvernat e custa at a fai torrai insegus s'Italia faendidda diventai stadu de su terzu mundu". Est custu su commentu de s'astrofisica Margherita Hack candu at scipiu ca su Sardinia Radio Telescope de Sant'Asili'e Monti - òpera pagada 67 millionis de eurus - arriscat de abarrai firma poita su Guvernu at liau su dinai chi furiat destinau a s'"Istituto nazionale di Astrofisica". "Est una bregúngia senz''e torrada - precisat sa scienziàda - ca a pustis de ai spéndiu 67 millionis de eurus po fai s'antenna, meda importanti po sa rezzai taliana de 'radio astronomia', no ddoi siat prus su dinai po dda fai funzionai. Custa est una de is assurdidadis de su Guvernu italianu, aundi is Universidadis spendint po fai istudiai sa genti e a pustis custa genti s'agatat precaria e est constrinta a andai foras de Istadu". Po mobilitai s'opinioni pubblica ananti a sa chistioni s'est creau su comitau "Pro Sardinia Radio Telescope", chi at giai 2.351 iscrittus in Facebook. Est possíbbili fai parti de s'iniziativa cumpilendi su format online chi s'agatat in su blog de Max Cordedu www.signorinobuonasera.it. Max Cordeddu est s'aprontadori de sa cosa.