Shiatsu Do: a Casteddu cursu po presentai s'arti de s'"incarcadura cun is didus"

(IlMinuto) – Casteddu, 26 de su mes''e gennargiu - Sa "via de s'incarcadura cun is didus". Est custu su significadu de is fueddus giapponesus Shiatsu Do, una ténnica de carasiu bellu po sa saludi, de nàscida cinesa e connotu in Giapponi de su VI séculu. In su fin''e cida chi benit at essi possíbbili imparai puru in Casteddu is primus ammaistramentus de su Shiatsu Do, cun d'unu cursu de 12 oras chi s'at a tenni tra sàbadu e domìnigu in via Salaris 17. "S'at a imparai - si podit liggiri in d'una nota - a fai unu carasiu in su modu prus simpli e praxibi, portendi is incarcaduras cun sa prant''e sa manu". S'apuntamentu est aprontau de s'Accademia italiana Shiatsu Do.

Po ndi sciri de prus: info@shiatsuinrete.it