Unicef: in Casteddu su XVI cursu po chistionai de is dirittus de is pipius "chi non si bint"

(IlMinuto) - Casteddu, 12 de su mes''e gennargiu - "Un'impignu chi si bidit po pipius chi no si bidint": est custu su tema de su XVI cursu de s'Unicef aprontau cun s'agiudu de s'Universidadi de Casteddu. Unu ciclu de 14 lezionis obertu a is istudiantis, a is personas chi si funt laureadas de pagutempus, a is operadoris sozialis e a is maistus s'at a tenni de sa metadi de su mes''e fiàrgiu a sa fini de su mes''e maiu in Casteddu in "s'aula magna" de sa Facultadi de "Scienze della Formazione" (dognia cenàbara de is 18.00 a is 20.00). Chini est interessau s'at a podi registrai a partiri de su 18 de su mes''e gennargiu a su 5 de su mes'' e fiàrgiu presentendi una dimanda in sa sedi Unicef de Casteddu (www.unicef.it). Su cursu s'at a oberri su 12 de su mes''e fiàrgiu cun sa primu lezioni chi at a tenni po tema "Is dirittus de is pipius e de is piciocheddus".