Universidadi: de sa Regioni cuatru milionis de eurus po aghilliri maistus e istudiosus de fama internazionali

(IlMinuto) – Casteddu, 5 de su mes''e gennargiu - Cualificai e ammanniai s'oferta de imparu de is Universidadis de sa Sardigna cun d'unu programma de Visiting Professors (maistus de clara fama internazionali) e Visiting Scientists (istudiosus a cuntratu e post-doc). Est cantu previdit sa delíbbera de cuatru milionis de eurus aprovada in is diris passadas de sa Giunta regionali. S'iniziativa est dedicada a istudiosus de dognia materia e de fama internazionali e bit comenti protagonistas is Universidadis de Casteddu (2,4 milionis de eurus) e de Tàtari (1,6 milionis de eurus). Escludias de su progettu is facoltadis chi no funt in is centrus prus importantis, ma chi funt de calidadi e meda bortas riconoscias a livellu nazionali comenti cussa de Architettura de S'Alighera (in su 2009 primu classificada in s'istudiu Censis- Repubblica). S'Esecutivu regionali at puru donau unu milioni de eurus po favorèssiri sa torrada in s'Isola de maistus e istudiosus sadrus cun esperiénzia de traballu foras de istadu.