Apretu presonis. Caligaris (Sdr): "Su responsàbbili de Buoncammino sighit cuatru istitutus. Su Ministeru nominit is diretoris chi mancant"

(IlMinuto) – Casteddu, 22 de su mes''e fiàrgiu - "Atera cosa assurda po is presonis in Sardigna. Unu diretori tenit sa responsabbilidadi de gestiri cuatru istitutus. Aterus duus, in Tàtari e in Mamone, tenint su mandau chi est po scadiri e cussu de s'Alighera, tra pagu prus de un'annu, at a andai in pensioni. Su Ministeru nominit allestru is diretoris de is sedis baganti". Est cantu narat cun d'una sa presidenti de s'associazioni "Socialismo Diritti Riforme" Maria Grazia Caligaris. "Sa pensioni de su diretori de su presoni de Igrèsias - precisat Caligaris - e s'ausenzia de sa Diretrici de Bad’e Carros, responsàbbili puru de su presoni de Lanusè, chi s'est ingota, at aggravau unu manígiu meda grai". "Is stampus in s'istrutura tra is diretoris de is istitutus de pena in Sardigna - sighit s'esponenti socialista - no agiudant sa gestioni de s'apretu chi  ddoi est in is presonis poita est presenti genti meda. Su diretori de Buoncammino est sighendi puru is presonis de Nùgoro, Lanusè e Igrèsias. Cussus de Tàtari e Aristanis tenint puru sa responsabbilidadi de is Istitus de Tèmpiu e de sa colónia penali de Is Arenas".