Arabesque: in sa Cttadella dei Musei anteprima de su progetu de recúperu de sa mostra de Clara Gallini

(IlMinuto) – Casteddu, 2 de su mes''e fiàrgiu - "Su puntu prus artu de su cunsidériu a ingíriu de is temas de is cliché etnicus". Aici s'antropologa Clara Gallini definit "Arabesque": mostra de 113 manifésteddus de film italianus e americanus allistia in su 1987 po ammostai comenti s'industria cinematografica costruiat su pensamentu chi s'Ozidenti teniat de s'Orienti. In su 2009 s'associazioni Connessioni e s'associazioni Sardegna-Palestina ant cumenzau unu progetu de recúperu de sa mostra, mostra chi furiat meda stravaciada a pustis de bint'annus de sa primu bessida. Un'anteprima de sa mostra at essi presentada de su 3 a su 6 de su mes''e fiàrgiu in Casteddu - in sa Cittadella dei Musei - po su Cunvegnu internazionali de Istudius "Xenoi".