Bosa arregordat Antonio Atza. Sàbudu e domìnigu sa I edizioni de su cuncursu de pintura improvvisada

(IlMinuto) - Casteddu, 1 de su mes''e fiàrgiu - "Su karrasegare osinku": est custu su tema de sa primu edizioni de su cuncursu de pintura improvvisada chi est dedicau a Antonio Atza. Cun custu cuncursu su comunu de Bosa bollit arregordai su pintori chi est biviu in sa bidda de su Temo. Po su concursu, chi s'at a tenni su 6 e 7 de su mes''e fiàrgiu, funt accettadas totu is tennicas de pintura e podint participai is pintoris de dognia edadi e de dognia logu. Is òperas depint essi finias e presentadas in su "Museo civico Casa Deriu" - chi est sa sedi de sa segreteria de su cuncursu - intru is 18.00 de su 7 de su mes''e fiàrgiu. Is primus seti classificaus ant essi premiaus cun d'una summa de dinai chi andat de 200 a 1200 eurus.
Po ndi sciri de prus: info@comune.bosa.nu.it