Concertus: torrat in su Liricu de Casteddu su violinu de Julian Rachlin

(IlMinuto) – Casteddu, 12 de su mes''e fiàrgiu - Julian Rachlin torrat in Casteddu a pustis de sa furtuna chi iat tentu cun su pubblicu e cun sa crítica in su 2008. Su violinista lettoni at essi protagonista de is concertus de s'orchestra dirigia de Maurizio Benini in programma custumerì (20.30) e cras (19.00) in su Teatru Liricu. Su programma musicali de is duas seradas previdit sa sonada de su "Concerto in re minore per violino e orchestra op.47" de Jean Sibelius, "El sombrero de tres picos" de Manuel de Falla e de "Sardegna, poema sinfonico" de Ennio Porrino. Si sighit àncora a celebrai su cumponidori casteddaiu in su chentenàriu de sa nàscida e a 50 annus de sa morti.