"Energy Empire": tres stagistas sadrus creant su "Risiko" de is energias chi s'annovant

(IlMinuto) - Casteddu, 22 de su mes''e fiàrgiu - Promòviri sa connoscenzia de is energias chi s'annovant cun d'unu giogu de soziedadi. Esti stetia custa s'idea chi at ispintu Giuseppe Nieddu, Martina Manieri e Gianluca Carla a imbentai "Energy Empire": unu giogu a metadi tra su Monopoli, su Risiko e su Trivial Persuit, aundi dognia giogadori est unu stadu. Bincit chini arrenescit a fai de su própriu su primu stadu chi si nurdiat scéti cun is energias chi s'annovant. "Energy Empire" est su progetu chi Nieddu, Manieri e Carta ant presentau a sa fin''e su períudu de imparu in su Crs4 e in su "Laboratorio Scienza" fattu po su Master in "Energie rinnovabili". A su Master ant participau 15 laureaus residentis in Sardigna. S'Area Science Park de Trieste - tra is prus importantis promotoris de s'iniziativa - at donau su dinai po fai 100 modellus de Energy Park, chi ant essi donaus a entis e aziendas chi traballant in custu campu.