"Io amo la scuola pubblica". Su 13 de su mes''e marzu manifestazionis in totu s'Italia. Cps Aristanis: "Difendeus su futuru de totus"

(IlMinuto) – Casteddu, 16 de su mes'e fiàrgiu - "Difendeus su futuru arrepenti de totus: cabaus in prazza". Esti custu s'apellu de su "Coordinamento precari della Scuola di Oristano" in apógiu a sa manifestazioni po difèndiri s'iscola pubblica chi s'at a tenni su 13 de su mes''e marzu in totu sa penísula. "Sa riforma de s'iscola de oi - si podit liggiri in d'una nota - s'est fatta intendi scéti comenti unu corpu malu po s'instruzioni nazionali. De annus su sistema andat a innantis cun circa unu sestu de is maistus pigaus a tempus "determinato", po arresparmiai in is "stabilizzazioni" de custus traballantis, e seguramenti custu no giuat a sa calidadi de s'imparamentu". Segundu su Cps de Aristanis - chi denunciat puru s'aumentu a 30 de is alunnus po dognia classi - is efetus de sa riforma ant essi ancora prus grais s'annu chi benit. "Is irminorigamentus de is oras de càtedra e su sparessimentu de calincuna matéria in is iscolas superioris ant a portai a sa pérdida de postus de traballu puru tra is maistus de ruolu, de dognia órdini e gradu". In Aristanis sa manifestazioni s'at a tenni a su merì, cumenzendi de 16.00.