Mulas (Fasi): "No a s'esclusioni de is emigraus de sa continuidadi territoriali. Prontus a si movi"

(IlMinuto) - Casteddu, 9 de su mes''e fiàrgiu - "No a s'eclusioni de is emigraus de sa continuidadi territoriali". Dd'at nau su presidenti de sa Fasi ("Federazione delle Associazioni Sarde in Italia") Tonino Mulas a pustis de sa decisioni "pigada scéti e totindunu de Alitalia" de segai is tarifas de sa continuidadi territoriali po is emigraus sadrus. "Is tarifas de sa continuidadi territoriali - narat Mulas - funt previdias po binci is disvantaggius de s'isolamentu (...). In is diris passadas funti stetias liadas po mori de una decisioni pigada totindunu e scéti de Alitalia. Nos pedeus de torrai a ponni un'atera borta e allestru puru is tarifas "carmieradas" po is emigraus. No est possibbili ca própriu s'Alitalia, chi at tentu su privilégiu e is profetus de parti de su stadu, scarrighit is dannus de cuss''e totu apizus de is citadinus prus débbilis". Faint parti de sa Fasi 70 círculus cun circa 18milla iscritus chi rappresentant circa 300milla sadrus emigraus in "continenti". "Is iscritus e is famílias - finit Mulas - s'ant a movi contra a cust'atera ingiustizia mala".