"Musica sulle Bocche": décima edizioni de su festival jazz de Enzo Favata de su 25 a 31 de su mes''e austu

(IlMinuto) – Casteddu, 19 de su mes''e fiàrgiu - Est arribbau a sa décima edizioni "Musica sulle bocche", su festival jazz internazionali chi de su 2001 si tenit in Lungone. Puru in su 2010 sa manifestazioni de is duus tretus de is "Bocche di Bonifacio" s'at a tenni in s'ùltima cida de su mes''e austu, de su 25 a su 31. Dd'ant comunicau is aprontadoris de su festival de Enzo Favata in ocasioni de sa "Borsa Internazionale del Turismo" de Milanu. In totus custus annus "Musica sulle Bocche" at assumau medas fortunas: est difatis su primu festival ecologicu a "zeru damnu" (2008), su primu a ai fattu viagiai sa música in is traghetus (2001) e su primu a ai spiegau su jazz a is pipius (2007).

Po ndi sciri de prus: www.musicasullebocche.it